|
البارحه جاني خيالك وطاريك=ولا فيه ليلٍ ماسهرته بدونك
انتي حياة القلب والقلب شاريك=والحب في طول الليالي زبونك
لامرني طيفك على طول اغنيك=واحلى قوافي الشعر دايم يجونك
لجلك كتبت احسن بيوت الشعر فيك=قصايد الغربي وقلبه يبونك
ياغايتي يامحلا مسك اياديك=وضحكتك لاقامت تبين سنونك
يقولها شخصٍ يعزك ويغليك=وقلبه على طول الليالي يصونك
ترتاح روحي يوم تسمع حكاويك=ويرتاح قلبي يوم يسمع لحونك
مافي العذارى كلهم من يساويك=ولاعاش من يرفع نظره بعيونك
كل العرب تدعس عليهم مواطيك=وكل العرب ياجعلهم يفتدونك
ربي بطيبك مع جمالك محليك=وجنون حبي زايدٍ مع جنونك
لو امدحك مليون ماراح اوفيك=ولاقدر اعيش العمر كله بدونك
|
