|
من يقول ان المسافه خطوتين=تفصل المشوار في حب طخما
والله انه عاش بحلام السجين=والله انه غادي بدربه عما
وش مسافه وش فواصل نقطتين=جنب دروب المحبه يانما
ابعد انفاسه على حبل الوتين=واصدق وعوده على حروة ضما
دام خلخاله في جوفي له رنين=والله اني لا امتطي سرج دهما
لو يجي من دونها زرع الكمين=لا دحم بجنبي على ذيك الحما
وارشف علومه على دفء الحنين=وابني عروشه على عنق السما
واحتضار الصوت بالوجد الدفين=يجذب الورقا على حد ضرما
اوهبه روحي وصدري له عرين= لو يلطخ حربة الرمح الدما
في حدود الشرع واحكام المبين=ينقضي عمرك ونبضك مغرما
قبلنا قيس الملوح من سنين=من ضحايا هالمحبه متهما
من يقول ان المسافه خطوتين= زهب البندق ولكن ما رما
|
