|
مرثية في فقيدنا الراحل/صاحب السمو الملكي الامير
سلطان بن عبدالعزيز آل سعود طيب الله ثراه
ناح القمر واستعدت شمسنا للمصيح=وانهار عزمي من الصدمه وجر قلمي
مؤمن بحكم القدر والمملكه له تبيح=ولي عهد القياده والنعي من فمي
لبست حالي سواد الحزن وانا صريح=أيه اضلمي ياعيون المملكه اضلمي
انعيه وارثيه بالتوديع وانا ذبيح=توديع ميت عقب تنكيس راس علمي
يوم احملوه البشر من فوق لوحٍ صفيح=بكيت وابكيت من حولي وضاع نسمي
رحماك يالله عسى مثواه روضٍ فسيح=واغسله من كل ذنبٍ يابصير العمي
وافتح له انوار في قبره وليله يزيح=عبدك ولد عبدك المؤمن وبك مسلمي
في جنة الخلد ابا خالد عسى يستريح=يقعد على حوض كوثرها وربي حمي
الجود من جود كفه والوفاء للنزيح=مافيه مضهود بالدنيا ترده ضمي
ابو اليتاما يضم الطفل عاده طريح=واسقاني الماء من كفوفه وعاش لحمي
اليا لمحته على الشاشه عيوني تفيح=مقدر على شيلة عظامي وسير قدمي
عقارب الوقت بعده ماتدور وتطيح=وضاقت علي الدروب ولا يغذي دمي
وشلون ابنساك لو كل الاوادم تميح=من زود حزني ودمعي مايوقف همي
يالله تجبر عزاء من جاء لصدره فحيح=ويالله ترزقني الذر ويجيله سمي
|
