|
يانجد وش ذنب الوحيد الي رجع دربه وحيد=بين اربعه جدران غلفها بصوت الغايبين
يلمح سراب اوجودهم عن بعد والمسرى بعيد=ويقرا ملامحهم على الجدران والقلب الحزين
ياوجد روحي والغياب اسبوع عن شوف الوليد=وانا الذي مااقوى فراقه عن عيوني ساعتين
ذاك الغرير الي جرى مجرى دمي وسط الوريد=طفل زرع في داخلي نبضه وحرربي سجين
كان الصباح ابشوفته تكوين لليوم الجديد=والليل مسرى في عيونه ينتهي في قبلتين
كان الزمان يعيش فرحه كان يصبح يوم عيد=لاان المكان الي يضم اخطاه ينبت وردتين
كان الشعور ابمجمله يكسر قوالب للجليد=وتعيش فيه العاطفه باانفاس وتعيش ابيدين
وكانت له انفاسي تواصل كنها ساعي بريد=يركب على دراجته ويدور داخل نبضتين
تكفون ياالي ماخذينه لاتودونه بعيد=ردو نضر عيني لعيني لجل اشوف العمر زين
|
