ضاعت احلام السنين وخانت القلب الحكايا=وانقفل باب الامل في وجه من قاد السفينه وارتعش جسم المريض وقالوا الطب الكوايا=والكوايا موجعه والنفس خمتها الغبينه كل مالديت عيني لجل اناظر بالمرايا=انكسر قلبي وسالت دمعة العين الحزينه ااااه ياصغر المساحه واااه ياضيق الزوايا=واااه ياحزنٍ تفجر واشتكت منه المدينه الشوارع فوضوتها عمت بكل النحايا=والمنازل تشتكي من بعد فقدان السكينه قصةٍ فيها مواجع جمعة كل البلايا=واحذفتها وسط قلبٍ ضمها في راحتينه ماهقيت ان الشجيع اللي فعل كل السوايا=يجحدونه كل ابوهم ياعرب قدام عينه ينكرون افعاله اللي بعدها صاروا طنايا=ولجل قدر وحب غيره عيد صاروا بايعينه مير بنسى ماحصل واقول يارب العطايا=تفرح اللي مابخل في شي وانتم خابرينه واتغزل واتهنى في هوى زين الصبايا=الهنوف اللي خذاها قلبي العاشق رهينه حبها في وسط قلبي قام يبني له قرايا=والغلا جاها وداعبها وهي مسكت يدينه الشفايف جمرتين وفوقها توتٍ طرايا=والخدود اتشابه الورد الحمر في كل حينه والصدر كنه مرايه تعكس انوار الضوايا=والنهود اتقول رمانٍ نضج يازارعينه والخصر لامال كنه ميلة غصونٍ روايا=هبها النسناس وامست تنثني من كل لينه كل مامالت وقف قلبي لها بين الحنايا=وابدى جو القصيد وجاب الابيات الثمينه سهرةٍ في الغلا والحب مع عذب السجايا=تنعش اللي غاب عن داره وربعه فاقدينه زينها يخجل بنات الكون لو صفنٍ سرايا=وغير ذاك الزين دايم ياعرب بنتٍ فطينه حبها يجري بدمي وترتوي منه الخلايا=والوله والشوق عم القلب في باقي سنينه ليتنا في ليلةٍ قمرا تقابلنا عرايا=لجل نتغلب على ثورةٍ مشاعرنا الدفينه

أدوات القصيدة

النسبة 3/5 (32اجمالي)

• 1
• 2
• 3
• 4
• 5