بدينا بالغلا والحب واصبحنا كذا خلان=عشقنا بعضنا بجنون وازتادت محبتنا بنينا حبنا بالصدق لين استمسك البنيان=تفاهمنا بدون اوهام تثر في علاقتنا بدينا نجمع جيوش الغلا في ساحة الميدان=وصار اللي نبي بالفعل من ساعة بدايتنا عطينا باليدين اللي تريد الفضل والاحسان=واخذنا من يدينٍ ماتناست فضل مدتنا عشقنا بعضا طول الليال الماضيه بجنان=ضحكنا لزمان اللي حكى قصة مسيرتنا تهنينا وفلينا الحجاج وخير ربي بان=وخلينا الزمن يشهد على ميعاد جمعتنا كذا سرنا وقصتنا سرت مع دربنا من شان=تعلم كل من وده يشكك في مودتنا رسمنا لوحة الذكرى وشكلنا بها الالوان=وصرنا فالصداره من بعد تقييم رسمتنا خذينا المركز الاول بلا ظلم وبلا بهتان=وكملنا مع دروب الغرام الصعب خطوتنا نموت بلذة ايام اللقا والوصل والتحنان=ونتعب من عنا ايام البعاد اليا تحدتنا نعشق الجمعه الحلوه ونكره لحظة الحرمان=نقول الله يسهل دربنا وتدوم فرحتنا صحيح ان المسافه فالديار تزود الاحزان=ولكن المسافه فالقلوب تصير قدوتنا كتبنا فالقوافي لين منا جنت القيفان=نصوغ احلى الكلام اللي يسلينا بغربتنا اندوّن كل شيٍ يستوي في داخل الديوان=بفن وذوق واشعارٍ طغت من زود رغبتنا صحيح انا تعذبنا ووقفوا قدمنا العدوان=غزونا بالهروج اللي بليا ذنب غثتنا تولونا وحدونا وهم كلٍ طويل لسان=ولكن هرجهم ماهزنا واغتال ضحكتنا نخليها تطوف وكن ماشيٍ جرى او كان=انعديها برحتنا وننساها براحتنا نقول الله يعوضنا ونحمد نعمة النسيان=وننسى ماحصل فالوقت ونكمل حكايتنا علاقتنا شريفه مادخل في وسطها الشيطان=علاقة حب فازت به على العشاق قصتنا

أدوات القصيدة

النسبة 2.67/5 (6اجمالي)

• 1
• 2
• 3
• 4
• 5