|
انزعي يانفس من دنياك بالحيـل انزعـي=ناظري يانفس في الدنيا نـزولا وارتحـال
افزعي يانفس من شرك لقا الخير افزعـي=لليمين اهل اليمين وللشمال اهـل الشمـال
امنعيني من هـواك انـا دخيلـك وامنعـي=لاكبر حظك من الدنيـا ومـا فيهـا وبـال
جرديني من رضـاك وشفًعينـي واشفعـي=في نهار مانغالـط فـي الاجابـه للسـؤال
اطمعي في ذكر ربي من يقينـي واطمعـي=لين ياخذك الطمع عن كل طمعه واحتمـال
اجمعينـي ياغنـاة النفـس بالله اجمعـي=مابقى في الصدر نقطه للسعـه ولا مجـال
كل ماغرت بك الدنيـا تهوشيـن افرعـي=اقصريها لو تشوفين المدى راعـي طـوال
ودعيني راضيه لو هو على شانـك معـي=وكـل مايغريـك بالدنيـا تحفيبـه نكـال
اسمعي شوري وطيعي واقلعي من مسمعي=لابدالك في عـراك الوقـت قـوه لاتـزال
ربما الأُخرى قريبه ماتبـي ثقـل امتعـي=بالمتر حول اربعه تكفي لجودة بـن حـلال
اعذريني لانزعتـك حـق شقـي وارقعـي=المراحـل يتفـق قانونـهـا بالانتـقـال
توبـي الله لايهينـك لاتغـريـن انفـعـي=مانقصتك علم واخميتك ولا ارخصتك خصال
وان رضيتي من ثوابي وان زعلتي وقًعـي=لاعتبار اليوم صوم وفـال يقفـاه العقـال
اسرعي يانفس عن دنياك من جد اسرعـي=في نجاة العبد من دنياه لـو يقتـل عـدال
زينة الدنيـا بنـون ومـال طبعـآ طبًعـي=للعلاقه في حدود الصمت ووجيـه القبـال
حول بعضك دون بعضك جمًعي واستجمعي=وبالتقارب قرب لحظات البقا ضمن الـزوال
|
