وش فيك زت الجرح يانور عيني=وخليت قلبي ينقهر من سواياك ماهو حرام اللي تسويه فيني=وانا الذي طول الليال اتحراك فرشت لك يازين راحة يديني=وحلفت محدٍ بالغرام يتعداك وخبيت همي بين قلبي وبيني=لين الفرح كله بدى في محياك اغليك واقدرك في كل حيني=واقول ياجعل المخاليق تفداك حتى قصيدي فيك صار يعصيني=واعانده واطوعه غصب لرضاك واخر نتيجه ياحلو ماتبيني=تقفي ولا بقيت لي غير ذكراك وانا الذي كنت اعشقك من سنيني=واصبر ليا زادت عليه خطاياك لكن انا بقولك واسمعيني=ظليت احبك واعشقك واتمناك والحين يابنت العرب صدقيني=ماعاد ابي ياكود بعدك وفرقاك عزيز نفس وعزتي تحتويني=وان قلت لك بنساك صدقني انساك كلمه وجت لك من لسانٍ فطيني=يصون هرجه قدم هذا وهذاك ماهمني لو قالوا الحاسديني=ولاهمني لو كان زودت ببكاك خلاص برحل واطلب الله يعيني= انه ينسيني خيالك وطرياك

أدوات القصيدة

النسبة 3/5 (14اجمالي)

• 1
• 2
• 3
• 4
• 5