|
ياللي تقول القول والقول مافـاد=همّك على هالهرج كثر الاثـاره
عسام جوّك كاشفينه بالارصـاد=والنود عمره مايسوق الحـراره
ياطراد ركّز وافهم الدرس ياطراد=درس(ن) مختّم من وزير الوزاره
في داخله عشرة مفاهيم وأرشاد=والحر يفهم مقصـدي بالاشـاره
الاوله .. وشلون ترتيب الاعـداد=من دون فتوى شيخ ولا شطـاره
والثانيه عينك على طلقـة زنـاد=والعين الاخرى يم قدح الشـراره
والثالثه ياكيف تفـرح بالاعيـاد=وصاحبك قفى لين غيّر مسـاره
والرابعه عندك مع الزين ميعـاد=تبغى تشوفه زين وشهو قـراره
والخامسه خذ لك من الشاي برّاد=وأكفخ جناحك فوق ذيك المنـاره
والسادسه لا صار مهوب نشّـاد=زوّد على قلـب المعنّـا مـراره
والسابعه حظّك على الشين منقاد=هذا قدر ربك .. وهـذا إختيـاره
والثامنه لا صرت بالخـط كـدّاد=طلّع على فحص الوكيل إستماره
والتاسعه عزّي على نفط بغـداد=وشلون مات الذيب عقب انتصاره
والعاشره نسلك معرّب بالاجـداد=من راس قوم(ن) للسطر والنعاره
يكفيك في ربعك ليا قلـت شـدّاد=كنّي على البنزين جبت الزقـاره
وختامها صلّوا على خير الاشهاد=امحمد .. اللي جنـة الخلـد داره
|
