|
ياقلب حب الى تحبه واترك الى ماتباه=وافرض مفاهيمك على وقتك ليامن عشت فيه
والصمت كان الصمت تمتملك وتمتمت لحكاه=لاتستميح القول عذرا وامتطي شماعتيه
ياصاحبي لن قلتلي مهلا رويدا قلت هاه=وان قلتلي ياصاحبي صبرا جميلا قلت ايه
الصبر مفتاح الفرج والتجربه قصة حياه=والعمر طاحتبي ثلاثينه وانا ماقلت ليه
وانا لوالقالي حجر عثره بغطيه بغطاه=وارمم الخطوه وادرجها على ماهي عليه
وامد رجلي والدروب العوج في كل اتجاه=والدشوفي والقلوب السود مافيها نزيه
الدمثل الي يلد بشوف عينه من وراه=واصدعين وعين تتلفت عليه وتحتريه
صوب الجليد الي كتب برده على قصة دفاه=لاجمرتبه جمرة المثبا وقامت تدفيه
عن وردة تذبل على الشاطي وهي في مستواه=وتعرف الموجه على الموجه قبل ماترتويه
محدث الركبان عرفها وعرفها الرواه=ومجلدالانساب سجلها وصارت من ذويه
ان قلتلي شفته بقول الله يامزين حلاه=وان قلتلي تعرفه قلت اشوي واتعرف عليه
ياصاحبي لاصبر بيجمل ولا مهلا تراه=يرسم على نبض الطريق الخارطه ويدل تيه
ياصاحبي شفت الزمان الي تمسكنبي غثاه=اذا تعداني قطاره مااحتداني محتديه
وان باعني وقتي شريته وان تعذر مشتراه=قفيت عن سوقه وبياعه يدور مشتريه
مالي بسوق يقيم الشراي من مدة يداه=ولالي بضاعه في نطيحتها ولا حق برديه
|
