الله من قلبٍ همومه كلها دايم ثقال=اشقت حياتي واتعبتني لين شانت دنيتي دنيا بها غدر وهجر بعد النصب والاحتيال=وبها الخيانه واللعانه زودت لي علتي ماكنت احسب ان الدموع تسيل بعيون الرجال=لين ان دمعي غرق اوجاني وغرق خدتي سبت سواليفٍ كثيره جت بها سود الليال=واشيا كثيره في زماني زودت لي حسرتي اول سبب فصحابي اللي في اليمين وفي الشمال=حسبتهم درع وسند لكن خابت حسبتي ذكرتهم بالطيب كله والسواليف الجزال=مير اجحدوني فالزمن ثم انكرولي وقفتي والثانيه حظي تعكس لين ياهل الطيب مال=واصبحت اسج الرجل في دربي ولا اعرف وجهتي امشي بدنيا مظلمه واوهام لعبت بالخيال=واليا سالني من سال قلت اله هذي قسمتي والثالثه هرجٍ من العذال ياعالم يقال=جرح فوادي ثم بهذلني وزود نكبتي فيه الحسد والملعنه والضيق وهروج الهبال=كله من اسباب القصيد اللي حكى عن غربتي كثرت هواجيسي وتعبت المطايا والجمال=اعسف بنات الفكر ويديني تبادل سبحتي والرابعه كل الاماني خصها الله بالزوال=كل ماتمنيت امنيه خابت وراها رجوتي اطلب وهم يقلون تامر ثم تبشر بالدلال=واصبر مع الايام لين تضيع مني منوتي يالعن ابو هذا الزمن يصفى لجماع الريال=ويشين للي هقوته تشبه مزايا هقوتي امشي مع العالم وادور لي اجابه لسوال=اللي شغل فكري وحيرني بليةٍ سهرتي ليه الزمن ينصك في وجه القروم امن العيال=وليه الهموم الكايده ياوقت زادت سبتي همي يمشيني معه ويقول لي روح وتعال=حتى تعبت وزادت جروحي وتاهت خطوتي لكن بصبر واطلب المعبود لو الوقت طال=يلطف على قلبي وروحي لين تبرد حرتي واعيش في جو الغرام وخاطري داله وسال=واحلى القصايد كلها بقولها في مهرتي

أدوات القصيدة

النسبة 3.18/5 (22اجمالي)

• 1
• 2
• 3
• 4
• 5