الهلّـي اللـي صانعـه راس صنّيـع=بوذي مزاجي رايـق الفكـر والبـال وامجمّعه راعـي الوكـلات تجميـع=عبداللطيف اللـي لـه القلـب ميّـال أدق سلفـه .. ثـم تبـدأ مشـاريـع=واليا احتمى يطرب له الكيف والحـال أعطيـه الاول يـمّ روس المطاليـع=عزمه قوي سبب على القـاع زلـزال امشي بـه الطبلـون ماجـاه تنتيـع=وعداد مشيه طابق(ن) كـل الاميـال امـودّع(ن) وجـه المقاريـد توديـع=وقامت هجوسي تسبح الجـال للجـال غمارته تعطـي السواويـق تشجيـع=اتشجّعـه يمشـي المسافـات بإدبـال فيه الرفـاف حانيـات ٍ .. مطاويـع=كنها جسد عذراء ليـا جـات تحتـال وبياض بَديْـه .. شبهـه بالمفاريـع=عذراء تحط بناعـم العنـق سلسـال وخطوطه الحمـراء بليـات ترقيـع=رسّامها بالرسـم مضـرب للامثـال وفيـه المرايـا .. فاهقاتـن مرافيـع=وان كان ابوصف زادك الوصف بهبال امركبـن دبّـه .. تهيـب المدافـيـع=غير الخياش الي لها الحوض شيّـال أسطبّه الأول .. عيـون(ن) مواسيـع=وأسطبه الخلفي .. به الوصف ينهـال احمر حَمَاره وأختصـر فالمواضيـع=دم الغزال اللي من الصيد قـد سـال أغبـره بغبـار ..وأعطيـه تشميـع=وأعطيه كـاوا وأسـود اللـون قتـال ورشيته ابرشّه .. ومـن دون تلميـع=بجنوط مرسدسن عريضات الاشكـال كني علـى لكـزس جنوبـه ملاميـع=موديل تسعه .. معجب ٍ كـل رجّـال اليا مشى ع القـار شفـت المطاميـع=دمعه على خدّه كمـا الغيـث همّـال باقي المواتر فـي حظـوره قراطيـع=واليا وقف كنـه مـن الزيـن تمثـال وكل مايطامر مثل طمـر الجرابيـع=كنه حصان وفـارس الخيـل خيّـال من يوم سقته شفـت كـل التسانيـع=وياشين قسطه بالشهـر كـل ماحـال أعد بـ/ أيامـي .. وأعـد الاسابيـع=مرخص لأجل عينه جنيهات الامـوال صدري وسيع ومعرّضـه للذعاذيـع=ماهمني كثر الحكـاوي .. والاقـوال ياشين ريح الاكـل عنـد المجاويـع=ويازين صدر الضيف لاهـز فنجـال ياجعل حظّـك .. بالظفـر والمنافيـع=وياجعل ماتلقـى فالابيـات مدخـال يابو بدر عندي علـى القـاف توقيـع=خيرك كثير .. وخابرينـك بالافعـال

أدوات القصيدة

النسبة 2.8/5 (10اجمالي)

• 1
• 2
• 3
• 4
• 5