|
أبـدا بذكـره عـبـر مـوجـات الارســال=الخالـق اللـي .. بالمخالـيـق رايــف
وأصب لـك مـن دلـة الطيـب فنجـال=واقـدع لـك القيفـان مـن راس كايـف
يـا ابـو بـدر يابوي .. ياطيّـب الفـال=والله فـي وصفـك تضـيـع الوصـايـف
عـزالله انـك للفـخـر مـضـرب امـثـال=وعـزالله انـك مثـل .. وبــل القنـايـف
وعــزالله انــك ( للميـاديـن ) خـيـال=وعـزالله انـك مثـل صـقـل الرهـايـف
يافيـك رحمـه تاسـع ايتـام واطـفـال=ويافيـك طيـبـه ماقنـوهـا .. عـرايـف
شامخ شموخ الخيل في كل الاحوال=وترسي كما ترسي الجبـال النوايـف
يشهد على طيبك مخاليق .. واجيـال=وتشهد على طيبك جميع الطوايـف
المدح فـي شـرواك .. يفـرح وينهـال=بشعور صـادق ماهـو بشعـور زايـف
فارس ومثلي رجل من صلب رجّـال=صادق وصدقي صاح بين الشفايـف
أبيات شعرن صاغها حسـن الاقـوال=ماحافها .. من قاصـي القـوم حايـف
العلم جاك .. وقفل الباب ب / إقفـال=ولدك شايـف ، وانـت يابـوي شايـف
|
