|
لاعاد عنها يالنشاما تصدون=دام الرساله من خيار الوسايط
ترفقوا وامشوا مع الدرب بالهون=وتراجعوا لاصار فالدرب حايط
اشوف لي ناسٍ يجون ويروحون=وجيوبهم راحت سوات الخرايط
من كل نوعٍ ياجدونه يشيلون=وكل الدعاوي في يديهم بسايط
يغنيك عنهم هرجهم لو يهرجون=واليا بغيت الصدق كله مهايط
واشوف في راس البنيه مية لون=مابين بكلات وفراش وشرايط
تنخى واخوها جنبها صابه جنون=يقرب من العداد والسلك شايط
يتفرجون الناس بعده يقفون=ولا همهم لو زاد صوت المعايط
البنت خاطرها من الفعل مغبون=والورع قطع شفته بالقرايط
حظه تعيس وخاطره صابه طعون=وده يثير الجرح والجرح خايط
هذا كلامي والحذر لاتشكون=ترى المشكه من صفات الجلايط
|
