|
بديت وأبديت الخفا والخفايا=من بعد مدت بضعه أشهور غايب
رجعت لأوراق الشعر بالهدايا=وجريت موال الصفا والعذايب
ماني من اللي ينقصون المزايا=ولأدس وجهي لن ماني بعايب
رجال نسل ارجال جزل العطايا=شاعر وشعري مايشيل الشوايب
قدام مقعادي ولاارضى الزوايا=لني تعودت الشرف والطوايب
بنيت من شعري حصون وسرايا=وارز من جزل البيوت النصايب
ماتنكسر كسرت قزاز المرايا=ولا تنزرب مثل الغنم بالزرايب
لو هي كلاب اليل خبث النوايا=ماهي ذيابه يازمان العجايب
الكلب ينبح والذيابه عوايا=ماهم بقارب ياخبيث النسايب
هذاك لو يعوي تخاف البرايا=والكلب ينبح يافراق الحبايب
|
