|
السؤال يبين لو أنه خفالك = والليالي تبدي الشي الدفيني
الغياب بغيبتك ســـــوى مهالك = لوكتمته تظهره دمعات عيني
لا تسائل عن رجوعي وش بدالك؟ = لاتحجج بالخطأ دامك تبيني
الخيال اللي خرج بك عن مجالك= ابتلاك وجيت كلك تبتليني
وش لي بحلمٍ نسجته من خيالك = تحسب إنك في حلومك تحتويني
ليلي اللي من غيابك صار حالك = في غيابك غاب شوقي والحنيني
قلت لاتسمع كلام اللي حكالك= لاتسمع في كلام العاذليني
قلت وأيضآ قلت لاتكرر سؤالك = فرقت الأيام مابينك وبيني
الحكي بعّد وصالي عن وصالك = والسكـــوت يحل بعض اللي يجيني
مير بالله لاتلوم اللي شكالك = ماشكيت إلا بعادك والسنيني
ما نسى المعروف منهو قد لجالك= شاعرة غنيت من قلبٍ حزيني
|
