يالهاجس اللي صاحبه غنا على جزل البحور=دام التعاسه والعنا دايم مشرع بابها مار الطريق اللي جمع بين التعاسه والسرور=نفس الطريق اللي جمع أهل الوفا باحبابها عشقي مزيج من السحاب امخالطه ريح العطور=عشقي وفيات السنين اللي عنت لصحابها عمله تشيل اسم الحلا عالي ولايمكن تبور=تحفه عن اخياس الطبايع مايكف اضرابها قمه من اسلوب التقدم والحضاره بالعصور=عقد(ن) من اسباك الذهب جمله صعيب اعرابها عشقي مثل ذب النحل فوق اسوريات الزهور=عشقي مثل هب الهوى طير الغصون ادرابها سارت على مثل الجسر تتبع خطاويها الطيور=والورد يزحف يمها وده نبت باهدابها وكن الطريق اللي مشتبه يرتجيها بالعبور=والارض ترجيها تمشا فوق سطح اترابها وكن النجوم بصفها وكن القمر منها غيور=واليل نادى بسمها والنور سر اعجابها وكن البرد من حولها حوط علاها بالف سور=وكن الجبال الشاهقه تخضعلها واتهابها وكن البحر من زينها في ساق ممشاها يدور=من شان يطرحها الهوى ويضمها باعقابها والموت يوم(ن) وقفت تشهق بوقفتها النحور=ولفت بدايع جسمها والموت في جلبابها ويوم قعدت راود خفوقي اجمل احساس وشعور=واخذت تعاين بالسما واطاول استغرابها مستغربه زين القمر وشلون تجفاه الشهور=وشلون بسمات الحبايب للدهر جلابها عندي سما في داخلي وهيه قمرها بالحضور=وانجومها نضراتها والشمس ضحكت نابها انا عرفت أن الخيال اللي جمعنا بالسطور=جمله من ارواح الشعر يسطع بريق اكتابها تشكلت في هاجسي من بعد ضيعات وعثور=واللي طرى في خاطري وش جابها وش جابها ولنها تفز ابخافقي فزه يطيح ابها الجسور=فزه تهز اعلى الجبال وماتعود اذيابها مدام هاجسها تخير وانتقا جزل البحور=دام التعاسه والعنا دايم مشرع بابها مار الطريق اللي جمع بين التعاسه والسرور=نفس الطريق اللي جمع أهل الوفا باصحابها

أدوات القصيدة

النسبة 3.78/5 (37اجمالي)

• 1
• 2
• 3
• 4
• 5