|
حنا بني الحارث كـوارث وعيـال=سبـاع تشبعنـا مخالـب يدينـا
جمره في تاريخ العرب عمرها طال=واليـا بـداء لازم شبابـه بدينـا
وقت الجهل حنا مجنـن وجهـال=وحريبنا يعطي الخـلا لاعتزينـا
أهل الشوائع في الوقائع والأهوال=بالسيف وضرب المشوك ضرينـا
ووقت العقل حنا عوارف وعقـال=نعزز مذاهبنـا مـع اللـي يبينـا
من طاح معداله فيبشـر بمعـدال=حجه بحجـه وان قدرنـا عفينـا
الجار له في سلومنا قدر وجـلال=ينزل غلا ولاشـد يبكـي علينـا
تضربنا العراف في الجيرة أمثـال=محسن مجير الذيـب منـا وفينـا
والضيف لاجانا لقا فـال وعقـال=هبات ريح تنومس اللـي يجينـا
فاله قبـالٍ زيـن ومعاقـب دلال=وعقاله اسمـانٍ وعـذرٍ سمينـا
وخوينا نفـداه بالحـال والمـال=دونه نطحنـا المكربـات وثنينـا
في الماقف الغصاب لامن حكم حال=يبشـر بنـا لامـن بغانـا لقينـا
دخيلنا ياعنك فـي فـي وظـلال=لو الهوى يـرزاه منـه اقتضينـا
نقدمه في كل حال مـن الأحـوال=ولا نوخـره الا ليامـن غزيـنـا
هذي عوايدنا من سنيـنٍ طـوال=دروب شيبـانٍ عليهـا مشيـنـا
أفعال ورثها لنـا الجـد والخـال=العزوة اللي فـي حجاهـا ربينـا
أقولها وكل القبايـل لهـا أفعـال=الطيب فيهم مثل ماالطيـب فينـا
مايجحد فعـول الرياجيـل رجـال=والحق من قطاعتـه مااستحينـا
يوم لنـا ويـوم علينـا للأبطـال=ومدام أخذنا فاعرف انـا عطينـا
ويالله يامنـزل تبـارك والأنفـال=ياسامـع دعانـا ليامـن دعينـا
تمحق وتقطع دابر عيال الأنـذال=مـره وتجعلهـم فـدا الطيبيـنـا
|
